یولیا و مێردهکهی و کچه بچووکهکهیان له گوندێکی ئارامی بچووک دهژیان له ئۆکڕانیا. یولیا پێی خۆش بوو ههموو بهیانیهک به دهنگی باڵندهکان خهبهری بێتهوه. ههرگیز پێی وانهبوو که دوور لە ماڵەکەی دەژی، یان بهیانیان به دهنگی باڵندهکان به خهبهر نایهت.
مێردهکهی ههمیشه بۆڵهبۆڵی دهکرد که پارهی پێویستی نییه و دهستیکرد به خواردنهوهی زۆر. بڕیاریان دا بهختی خۆیان له پرتوگال تاقی بکهنهوه. لهوانهیه لهوێ بتوانن پارهی زیاتر پهیدا بکهن تا خانووێک دروست بکهن و داهاتوویهکی باشتر بۆ خێزانهکهیان دروست بکهن.
یولیا به باشی گونجا لهگهڵ ماڵه نوێیهکهی، وه دهستیکرد به کارکردن وهک پاککهرهوه. کڕیارەکانی بهڕاستی کارکردنه سهختهکهی و ڕهفتاره بهڕێزهکهیان بهرز دهنرخاند. لهلایهکی ترهوه، هاوسهرهکهی زیاتر و زیاتر ههستی به پشتگوێخراوی کرد. لهبهر کێشهی خواردنهوهکهی، خاوهن کارهکان متمانهیان پێی نهکرد و کاریان پێی نهدهدا.
ڕۆژێک دهستی به هاوارکردن کرد بەسەر یولیادا. پاشان دهستی به پاڵپێوهنانی کرد. هاوار و لێدانهکان خراپتر بوون بهتایبهتی لهو کاتانهی سهرخۆش بوو. یولیا لهبهر خۆی و کچهکهی ترسا، بهڵام نهیدهزانی چی پێ دهکرێ.
کاتێک له کۆتاییدا یولیا پێویست بوو بچێته ژووری فریاگوزاری له نهخۆشخانه به قۆڵێکی شکاوهوه، پێیانگوت که توندوتیژی خێزانی کێشهیهکی زۆر گهورهیه له پرتوگال. به ههمان شێوه پێیانگوت که ئهوه تاوانه و دهبێ به پۆلیسی ڕابگهیهنێ.
یولیا شهکهت بوو و نهیویست کچه بچووکهکهی له ماڵێک گهوره بێت که ههموو ڕۆژێک توندوتیژی دهبینی. یولیا درکی کرد که نیشانهکانی مامەڵەی خراپ بهردهوام ههبوون، ههرچهنده ئهگهر چهندین شێوهی جیاوازیشی وهرگرتبێ.
یولیا چووه داڵدهیهکی ژنان که لهوێ زیاتر ههستی به سهلامهتی کرد که ماوهیهکی زۆر ههستی پێ نهکردبوو. ئەو ئەم شێوە هەستکردنەی نەبوو چونکە بەیانیان بە دەنگی باڵندەکان هەڵدەستا.
LIDA Portugal
Vilius Aistis Vilimas
Dler Piran
Azad Sleman
kurdiska (sorani)
Nivå 5
