Alisha asengeli koluka mosala mpo ete libota na ye ezali na mposa ya mbongo mpo na bileyi mpe bilamba.
Alisha atikala kosala mosala moko te na mboka na ye, kasi ayebi kolamba malamu mpe alingaka kosolola na bato.
Tango mosusu akokaki kosala na restora? Alisha azoluka na Internet bisika oyo bazali koluka bato ya kosala misala.
Amoni liyebisi moko mpo na mokonzi. Wana ezali moto oyo alambaka na restora.
Akeyi mpo na mituna ya mosala. Mokambi ya restora ayebisi ye ete bazali na mposa ya moto oyo alanda mateya ya mokonzi ya kolamba.
Alisha alembi nzoto, kasi alandaki mateya oyo babengi “Bileyi mpe boyambi bapaya”. Azali na elikya ete yango nde ekosalisa azwa mosala na restora.
Alisha asengeli kosala na restora lokola moyekoli ya mosala. Bazo futa ye te, kasi azozwa mayele ya mosala.
Abakisi na CV na ye makambo matali mateya. CV elakisi mosala nyonso oyo asala mpe mateya nyonso oyo alanda.
Mbala ya nsima Alisha akeyi mpo na mituna ya mosala na restora, bapesi ye mosala. Ezali mosala makasi. Mingimingi asengeli asala na mpokwa, ntango bana na ye bawutaka kelasi.
Azali na lolendo mpo azwi mosala oyo ezali kopesa ye makoki ya kosombela libota na ye bileyi mpe bilamba na mosolo na ye moko.
